(1) मरीचि के पुत्र कश्यप प्रजापति थे। ब्रह्मदेव की दाहिनी हाथ की बोटे की नली से दक्ष नाम का पुरुष और बाएँ हाथ की बोटे की नली से धरनी नाम की स्त्री जन्मीं। उन दोनों से एक हज़ार-हज़ार महा ऋषि जन्मे। (2) ब्रह्मा के मानस पुत्रों में दूसरे स्थान पर रहने वाले अंगिरस्‍ु को उद्दध्य, बृहस्पति और संवर्त जैसे पुत्र हुए। बृहस्पति देवताओं के आचार्य बने। (3) मैत्रि (अत्रि) नामक मानस पुत्र से अनेक महा मुनि जन्मे। (4) पुलस्त्य नामक ब्रह्मा के मानस पुत्र से राक्षसों का जन्म हुआ। (5) पुलह नामक मानस पुत्र से किन्नर और किमपुरुष वर्ग उत्पन्न हुए। (6) क्रतू नामक मानस पुत्र से पक्षियों की जाति उत्पन्न हुई।

॥ श्रीः ॥
1.257. अध्यायः 257
Mahabharata - Adi Parva - Chapter Topics
पुत्रैः सह संवादानन्तरं जरितायाः स्थानान्तरगमनम्॥ 1 ॥
Mahabharata - Adi Parva - Chapter Text

जरितोवाच। 1-257-0x(1344)(11150)
अस्माद्बिलान्निष्पतितमाखुं श्येनो जहार तम्।
क्षुद्रं पद्भ्यां गृहीत्वा च यातो नात्र भयं हि वः॥ 1-257-1(11151)
शार्ङ्गका ऊचुः। 1-257-2x(1345)
न हृतं तं वयं विद्मः श्येनेनाखुं कथंचन।
अन्येऽपि भितारोऽत्र तेभ्योऽपि भमेव नः॥ 1-257-2(11152)
संशयो वह्निरागच्छेद्दृष्टं वायोर्निवर्तनम्।
मृत्युर्नो बिलवासिभ्यो बिले स्यान्नात्र संशयः॥ 1-257-3(11153)
निःसंशयात्संशयितो मृत्युर्मातर्विशिष्यते।
चर खे त्वं यथान्यायं पुत्रानाप्स्यसि शोभनान्॥ 1-257-4(11154)
जरितोवाच। 1-257-5x(1346)
अहं वेगेन तं यान्तमद्राक्षं पततां वरम्।
बिलादाखुं समादाय श्येनं पुत्रा महाबलम्॥ 1-257-5(11155)
तं पतन्तं महावेगा त्वरिता पृष्ठतोऽन्वगाम्।
आशिषोऽस्य प्रयुञ्जाना हरतो मूषिकं बिलात्॥ 1-257-6(11156)
यो नो द्वेष्टारमादाय श्येनराज प्रधावसि।
भव त्वं दिवमास्थाय निरमित्रो हिरण्मयः॥ 1-257-7(11157)
स यदा भक्षितस्तेन श्येनेनाखुः पतत्रिणा।
तदाहं तमनुज्ञाप्य प्रत्युपायां पुनर्गृहम्॥ 1-257-8(11158)
प्रविशध्वं बिलं पुत्रा विश्रब्धा नास्ति वो भयम्।
श्येनेन मम पश्यन्त्या हृत आखुर्महात्मना॥ 1-257-9(11159)
शार्ङ्गका ऊचुः। 1-257-10x(1347)
न विद्महे हृतं मातः श्येनैनाखुं कथंचन।
अविज्ञाय न शक्यामः प्रवेष्टं विवरं भुवः॥ 1-257-10(11160)
जरितोवाच। 1-257-11x(1348)
अहं तमभिजानामि हृतं श्येनेन मूषिकम्।
नास्ति वोऽत्र भयं पुत्राः क्रियतां वचनं मम॥ 1-257-11(11161)
शार्ङ्गका ऊचुः। 1-257-12x(1349)
न त्वं मिथ्योपचारेण मोक्षयेथा भयाद्धि नः।
समाकुलेषु ज्ञानेषु न बुद्धिकृतमेव तत्॥ 1-257-12(11162)
न चोपकृतमस्माभिर्न चास्मान्वेत्थ ये वयम्।
पीड्यमाना बिभर्ष्यस्मान्का सती के वयं तव॥ 1-257-13(11163)
तरुणी दर्शीयाऽसि समर्था भर्तुरेषणे।
अनुगच्छ पतिं मातुः पुत्रानाप्स्यसि शोमनान्॥ 1-257-14(11164)
वयमस्निं समाविश्य लोकानाप्स्याम शोभनान्।
अथास्मान्न दहेदग्निरायास्त्वं पुनरेव नः॥ 1-257-15(11165)
वैशम्पायन उवाच। 1-257-16x(1350)
एवमुक्ता ततः शार्ङ्गी पुत्रानुत्सृज्य खाण्डवे।
जगाम त्वरिता देशं क्षेममग्नेरनामयम्॥ 1-257-16(11166)
ततस्तीक्ष्णार्चिरभ्यागात्त्वरितो हव्यवाहनः।
यत्र शार्ङ्गा वभूवुस्ते मन्दपालस्य पुत्रकाः॥ 1-257-17(11167)
ततस्तं ज्वलितं दृष्ट्वा ज्वलनं ते विहङ्गमाः।
`व्यथिताः करुणा वाचः श्रावयामासुरन्तिकात्।'
जरितारिस्ततो वाक्यं श्रावयामास पावकम्॥ ॥ 1-257-18(11168)

इति श्रीमन्महाभारते आदिपर्वणि मयदर्शनपर्वणि सप्तपञ्चाशदधिकद्विशततमोऽध्यायः॥ 257 ॥

Mahabharata - Adi Parva - Chapter Footnotes
1-257-3 वह्निरागच्छेदित्यत्र संशयो यतो वायोः सकाशाद्वह्नेति वर्तनं दृष्टम्॥ 1-257-5 अहं वैश्येनमायान्तं इति ङ. पाठः॥ सप्तपञ्चाशदधिकद्विशततमोऽध्यायः॥ 257 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.